પિતૃ વાત્સલ્ય...
જે દિવસે બાપની આંખમાં આંસુ જુઓ,
ત્યારે તમારો જન્મારો અકારો ગણજો.
માતાની તમે જિંદગી છો, બાપનો સધિયારો,
દિવસ રાત મા રડી શકે, બાપ કોક ખૂણે રડશે.
સહાનુભૂતિને સથવારે મા જીવી જશે,
સ્વમાની પિતાને ખટકોરહેશે જિંદગીભર
વજનદાર શિશુને પિતાએ તેડ્યો હશે તાકાતથી,
એ તાકાતનો બોજ ન બનશો, માને ખાતર.
દુનિયામાં માના ગુણગાન ખૂબ ગવાય છે,
ભગવાનની આંખમાં નિહાળજો તાતની મૂર્તિ.
જન્મ ભલે આપ્યો માતાએ, ઉછેર કર્યો જતનથી,
દુનિયાદારી બાપની આંગળીએ કેળવી ગુસ્સે થઈ.
વડલાની ઉંમર ન પૂછશો,
એ તો છાંયો આપવાનો છે.
છાયાની શીતલતામાં ઢંકાયેલા પરિતાપને
ઓગાળી વિશ્વાસનો પાયો નાખ્યો છે.
- ભૂપેન્દ્ર ગાંધી
સં. હસમુખ ગોહીલ
