In a race to achieve more than we need, we lose peace of mind.
***
An example:
એક રાજા એના મંત્રી જોડે નગરમાં ફરવા નીકળ્યા.
રસ્તામાં એણે લીલુંછમ ખેતર જોયું
એ ખેતરના બીજા છેડે
એક પરિવાર રહેતો હતો.
પતિ-પત્ની અને એમના બે સંતાનો.
અતિશય આનંદમાં તેઓ ગીતો ગાતા હતા.
આમ-તેમ ફરતાં હતા અને એમના ચહેરાઓ ઉપર સૂર્ય સમું તેજ હતું.
સુખ શું હોઈ શકે એ આ પરિવારને જોતા જ સમજાઇ જાય એમ હતું.
**
રાજા ને અતિશય આશ્ચર્ય થયું.
એણે મંત્રી ને સવાલ કર્યો,
"હું આખા પ્રદેશનો રાજા છું❗
દોમ દોમ સાહ્યબી છે
તેમ છતાં હૂં આ લોકો જેટલો
ખુશ કેમ નથી❓"
મંત્રી એ હસીને જવાબ આપ્યો,
"એ લોકો ક્લબ ૯૯ નાં સભ્યો નથી અને તમે છો ને એટલે!", રાજા ને આશ્ચર્ય થયું.
મંત્રી: મને ૯૯ સોના મહોર આપો, આ પ્રશ્ન નો જવાબ હું એક મહિના પછી આ જ જગ્યાએ આપીશ.
જવાબ જાણવાની ઉત્સુકતાએ એણે ૯૯ સોનામહોર આપી.
**
મંત્રી રાત્રે જઈને એ ૯૯ સોનામહોર
ભરેલી થેલી પેલા સુખી પરિવારની ઝુંપડી આગળ
મૂકી દીધી.
**
બીજે દિવસે સવારે જ્યારે પતિએ જાગીને દરવાજા પાસે જોયું તો એને થેલી મળી. એણે અંદર સોનામહોર દેખાઈ. એના આનંદનો પાર ન રહ્યો.
એ બધી જ સોનામહોર બહાર કાઢીને ગણવા લાગ્યો. એક,બે,ત્રણ,ચાર...નવ્વાણું 99, એણે ફરીવાર ગણવાનું શરૂ કર્યું, ફરીથી આંકડો ૯૯ નો જ આવ્યો. એણે એની પત્નીને બોલાવી અને કહ્યું,
"તું આ સોનામહોર ગણ. એને ય આંકડો
૯૯ નો જ આવ્યો." પતિએ મનોમન વિચાર કર્યો,
"જો એક સોનામહોર હું મહેનત કરીને કમાઈ લઈશ તો અમારી પાસે પૂરી ૧૦૦ સોનામહોર
થઈ જશે."
**
એ દિવસ રાત મહેનત કરવા લાગ્યો.
ખેતરમાંથી પાક વધુ અને સારો થાય એને માટે અથાક પરિશ્રમ કરવા લાગ્યો. એવામાં એક દિવસ સાંજે ઘરે આવીને એણે સોનામહોર ગણી......
તો આંકડો ૯૭ નો જ આવ્યો.⁉️
"આમાંથી બે સોનામહોર ઓછી કેવી રીતે થઈ ગઇ❓" એણે અતિશય ગુસ્સામાં કહ્યું.
એની પત્ની એ અંદરથી જવાબ આપ્યો,
"બે સોનામહોર માંથી હું ખરીદી કરી આવી❗ જુઓ આ સાડી ...કેવી લાગે છે?"
"તને બે સોનામહોર વાપરવાનું કોણે કહ્યું હતું❓
હું અહીં આટલી મહેનત કરીને એક સોનામહોર કમાવાની કોશિશ કરું છું અને તું
બે વાપરી આવી❓"
"તમે તો સ્વભાવે જ કંજૂસ છો.
ક્યારેય વાપરવાના તો હતા નહીં એટલે મેં જ એનો ઉપયોગ કર્યો",
પત્નીએ છણકો કર્યો.
એવામાં બીજે દિવસે એનો છોકરો એક સોનામહોર વેચીને નવી ઘડિયાળ લઈ આવ્યો.
પેલો માણસ ફરી એની ઉપર ચિડાયો.
"સોનામહોર ઘટતી ગઈ".
...અને...
"કંકાસ વધતો ગયો."
બરાબર એક મહિને રાજા અને મંત્રી ફરી એ જ જગ્યા એ ઊભા રહીને જુએ છે તો પરિવારમાંથી
સુખનું નામો નિશાન નહોતું.
એમ લાગતું હતું કે ગમે ત્યારે ઝઘડો ફાટી નીકળશે.
રાજાને અતિશય નવાઈ લાગી.⁉️
મંત્રી ને મંદ મંદ હસતા જોઈ એણે પૂછ્યું,
"શું થયું આ લોકોને❓સુખ ક્યાં ગયું❓"
"રાજન, હવે આ લોકો પણ ક્લબ
9️⃣9️⃣ ના સભ્યો છે."
"તમે આપેલી ૯૯ સોનામહોર
મેં એમના ઘરને દરવાજે મૂકી દીધી.
અને એ ૯૯ સોનામહોર ને ૧૦૦ કેમ કરવી
એની પળોજણમાં આ પરિવારનું
સુખ હણાઈ ગયું."
આપણામાંથી એવા ઘણા છે જેની પાસે ૯૯ સોનામહોર પડેલી જ છે.
પણ બીજી એક સોનામહોર કમાવાની માથાકૂટમાં એ ૯૯ સોનામહોર ખોટી જગ્યા એ વેડફાઈ જાય છે, અથવા એમને એમ મૂકીને પોતે જ ગુજરી જાય છે.
(unknown author).
*****
