કોઈ સબંધને ક્યારેય ધોખો ન આપજો;
ના ગમે સબંધ તો પૂર્ણવિરામ આપજો;
રાખ્યો હોય જેણે વિશ્વાસ ખૂદથી ઘણો,
બને તો એના ભરોસાને દગો ન આપજો;
અબોલ કે દૂર રહેવાથી નહીં આવે હલ,
ખૂલ્લા મને વાત કરી એનો અંત લાવજો;
જીવન સફર નથી હોતી આસાન અહીં,
મન દુઃખ ભૂલાવીને સદા સાથ આપજો;
આપી છે આઝાદી જ્યારે માબાપે તમને,
તો એમના ભરોસાની આમન્યા રાખજો;
ન મૂકો આંધળી દોટ પશ્ચિમી સંસ્કૃતિમાં,
આપણી ભારતીય સંસ્કૃતિ અપનાવજો;
નથી સંપૂર્ણ કોઈ વ્યક્તિ અહીં "વ્યોમ"
બીજાના દોષ પહેલાં ભીતરમાં ઝાંકજો
... ✍️વિનોદ. મો. સોલંકી "વ્યોમ"
GETCO (GEB)
