~~~~કસોટી~~~~
નહીં માને ને તું ?
નહીં છોડેને વારંવાર મારી કસોટી કરવાનું ?
તને તો બહુ મજા આવતી હશે ને ?
તો શું થયું કે હું મજબૂત છું ?!
અનેક વખત તૂટી-તૂટીને ચૂરેચૂરા થઈ છું
ત્યારે આ મજબૂતી મેળવી છે.
તો શું થયું કે પડ્યા પછી ઝડપથી ઊભી થઈ શકું છું ?!
સહેલું તો નથી જ ને આ!
અહીં ઘૂંટણ નહીં પણ હ્રદય છોલાઇ જાય છે.
જેની સારવાર કરતાં દિવસે તારા દેખાય છે .
હોઇશ.....
કદાચ તારી નજરમાં હું હોશિયાર વિદ્યાર્થી હોઇશ,
એટલે તું મારી માટે હર વખત નિતનવાં અઘરાં પ્રશ્નો લાવે છે..
પણ હવે નહીં ..
બસ કર હવે..
હવે હું થાકી ગઈ છું ટોપ કરી કરીને ..!!
--શબનમ
