તાપ એનો ભલે ને પ્રખર હોય છે,
ઝાંઝવાની તરસ છે પ્રબળ હોય છે.
સાંજ આખી ઢળી જાય છે યાદમાં,
આંખમાં અશ્રુઓનો પ્રલય હોય છે.
એકલી સાવ માણું તને બસ તને,
યાદનો એક એવો પ્રહર હોય છે.
છે અજાણ્યો છતાં લાગશે પોતિકો,
એક ચહેરો મહી થી પ્રકટ હોય છે.
સામસામે કરે વાત પણ મૌનથી,
આંખથી આંખનો જો પ્રણય હોય છે.
કાફિયા ને રદીફો સજાવે છતાં,
પીડ સાથે ગઝલનો પ્રસવ હોય છે.
ને સતત થાય છે એક શ્વાસે રટણ,
ભીતરે નાદ જાણે પ્રણવ હોય છે.
અર્ચના🌺
