કુદરતનો બદલો:-
ઉનાળો આવે ને સૌ માંગે ઠંડક,
ઉનાળો આવે ને સૌ શોધે એ.સી.,
ઉનાળામાં સૌ માંગે આઈસક્રીમ,
સૌ શોધે ઠંડા પીણાં, ઠંડું પાણી,
પણ જુઓ આ કરમ કઠણાઈ,
ભોગવે છે હાલ માનવી પોતાની
જ હાલાકી, પોતાની ભૂલની સજા,
છે ઋતુ ઠંડું પીવાની અને પીવો
પડે છે ઉકાળો !!!
ભૂલ કરી માનવીએ, કરીને હેરાન
કુદરતને, લઈ રહી છે બદલો
કુદરત પણ મન ભરીને.
કાપ્યા વૃક્ષો ભરપૂર આ માનવીએ,
અને ભોગવે છે હાલાકી આજે
ખરીદીને ઓક્સિજન, જે મળતો
હતો મફતમાં.
નથી કામ આવી રહી કોઈ ચાલાકી
માનવીની, લે છે સારવાર આજે
રસ્તા પર, વાહનોમાં કે ઘરનાં ઓટલે,
આ ભર ઉનાળાના તાપમાં!!!
હજુ પણ સમય છે ઓ માનવી,
જાગ તુ, બંધ કર કુદરતને
છંછેડવાનું, નહીં તો જશે આખી
આ જીંદગી, ભર ઉનાળે પીવામાં
ઉકાળા અને ગરમ પાણી!!!
હશે ધન દોલત દુનિયા ખરીદવાની
પણ જઈ ન શકશે ઘરની બહાર!
નથી કરી જો કોઈ માનવસેવા, તો
મળ્યો છે મોકો કરવાને સેવા.
છે ધોમધખતો તાપ આ ભરઉનાળે,
બન તુ શીતળ છાયા કોઈની!!!
કાપ્યા વૃક્ષો જીવતા જીવ,
નથી હવે નસીબમાં લાકડા,
બાળવાને મરેલ શરીર.
વૃક્ષો પડવા માંડ્યા ઓછાં,
બાળવાને મૃતદેહ, હે માનવી!
આનાથી ક્રૂર હજુ શું જોઈએ તને???
- સ્નેહલ જાની
