Single hone ke na fayde bade hai
par dusro ki relationship goals ki post
dekh ke udaas mat ho jaya karo
Haan manta hu kabhi kabhi lagta hoga
ki koi to hona chaiye na
par uss baat ko na abhi
itna dil se bhi mat lagaya karo
Tumhare upar koi paabandi nahi hoti
ki tum ek hi shaqs ki baat karo
Koi gaana sun ke tumhari marzi
tum jis kisi crush ko yaad karo
Kisi photo ke niche nice pic
comment karne se pehle sochna nahi padta
Tumhe sone se pehle raat ko me sou ki nahi
ye puchna nahi padta
Dost se paise udhaar leke gifts khareedna
shukra manao isse bache hue ho tum
Lekin phir bhi dusro ko dekh dekh ke
apne hi khayalo me kyu fase ho tum
Tumhe chaiye koi dil ki baat karne wala
janta hu me
Tumhe chaiye koi dil ki baat sunne wala
maanta hu me
Tumhe chaiye koi aesa
jisey tum humdard humsafar keh sako
Tumhe chaiye koi aesa
jiske sath tum na hoke bhi har pal reh sako
Aur sach batau to tumhe zarur milega koi
par ek sahi waqt pe
Ab uss sahi waqt ki talaash me
nirash mat ho
Ye faisla chhodh do zindagi pe..
