ખજાનો યાદોનો આજે ખૂલી ગયો....
કંઈક કેટલીય વિખરાયેલી યાદો,
જેને સુલઝાવવાના પ્રયત્નો આજે ફરી એક વાર થઈ ગયા,
'ને વળી એ વિખરાતાં,
હું ફરી વિખરાય ગઈ,
એ દબાવેલો ખજાનો યાદોનો આજે ખૂલી ગયો....
કંઈક કેટલીય ખુશીની પળોનો,
જેણે આજે એ ખુશી આપતાં લોકોના અભાવે અશ્રુઓનું રૂપ લીધું,
'ને પોતાનાં સાથે ન જોતાં,
હું ફરી થોડી મુરઝાઈ ગઈ,
એ ખુશીઓનો દુઃખ આપતો ખજાનો યાદોનો આજે ખૂલી ગયો....
કંઈક કેટલાય દુઃખની યાદ અપાવતો,
જે આજે થોડા સરળ લાગી આવ્યા,
આજની સરખામણીમાં એ દુઃખ તુચ્છ લાગતા,
'ને જિંદગી થોડી વધુ સરળ લાગી,
હું થોડી ફરી હિંમત ભેગી કરી ઉભી થઇ,
દુઃખો ભર્યો નવઉર્જા આપતો ખજાનો યાદોનો આજે ખૂલી ગયો....
-PARL MEHTA
