લોહી રેડું છું ખેતરમાં,
તોય રડવું પડે આખરમાં?
એવો ગળે આવી ગયો'કે-
ગળે ફાંસો ખાધો પાદરમાં.
પાણીની મોટર બંધ કરી,
નેતા બેઠા છે મોટરમાં.
કાંઈ નથી ઉગવાનું તોયે,
બીજ હું વાવું છું પથ્થરમાં.
પરસેવાથી ખેતર ખેડું,
પાણી ભાવ ધરો વળતરમાં?
સરકારી નિયમોનાં કારણ,
રોડ ઉપર આવ્યો પળભરમાં.
કેવા લોકો ભેગા થ્યા છે?
ખાતર પાડે છે ખાતરમાં.
...પ્રશાંત સોમાણી
જગતના તાતની વ્યથા રાષ્ટ્રીય ખેડૂત દિવસે આપ સમક્ષ..
