લકીરોની જગ્યાએ હથેળીમાં, શ્યામ લખી દઉં..
મહેંદીની શી જરૂર, લાવને સંધ્યાનો રંગ ઢોળી દઉં..
ઓઢણી તો આભલાની મને ગમતી ચકમકતી
હવે તો મોરપીંછની રંગીન છાંટ છાંટી દઉં..
એની નખરાળી આંખે, ઝલકતી મુજ છબીની
જગ જુએ એમ તારા હાથે તાળી આપી દઉં..
ફૂલો તો રોજ ખીલશે આપણા પ્રેમરસથી ભરપૂર
લાવને ગજરાની સાથે પ્રિતની માળા ગુંથી દઉં..
નિધીવન હોય કે વૃંદાવન, શ્યામ તો હોવાનો જ
ગોપી સંગે રાસ રમતા રમતા પ્રાણ આપી દઉં..
-શિતલ માલાણી
