तू निघून गेल्यावर...!!
गदड अधिकच झाली रात्र तू निघून गेल्यावर
रंग उडाला कोवळ्या उन्हाचा तू निघून गेल्यावर..
मूठभर चांदणे चोरले प्रेमाच्या अवकाशातले
तर मला शाप लागला चंद्राचा तू निघून गेल्यावर...
दिवस ही तसेच आहेत येतात अन जातात
मला त्रास झाला स्वतःचा तू निघून गेल्यावर...
सोबतीचे क्षण अलगद किनाऱ्यावर सोडले तेव्हा
आता आघात सोसवेना लाटांचा तू निघून गेल्यावर...
उणे भासते आयुष्य हे परतून तू येशील का?
सारा हिशोब चुकला आयुष्याचा तू निघून गेल्यावर...
आयुष्याच दान स्वीकारशील का पुन्हा ?
भार होतोय देहाला श्वासांचा तू निघून गेल्यावर...
©हर्षदा
