જય માતાજી 🙏🌹
માતાજી ની સ્તુતિ 👇
https://youtu.be/Jw38J8hAt5g
વિશ્વંભરી અખિલ વિશ્વતણી જનેતા,
વિદ્યાધરી વદનમાં વસજો વિધાતા;
દુર્બુદ્ધિ દૂર કરીને સદબુદ્ધિ આપો
મામ્ પાહિ ઓમ ભગવતી ! ભવ દુઃખ કાપો. 1
ભૂલો પડી ભવરણે ભટકું ભવાનિ,
સુઝે નહિ લગીર કોઇ દિશા જવાની;
ભાસે ભયંકર વળી મનના ઉતાપો,
મામ્ પાહિ ઓમ ભગવતી ! ભવ દુઃખ કાપો. 2
આ રંકને ઉગરવા નથી કોઇ આરો,
જન્માંધ છું જનની હું ગ્રહી બાંહ્ય તારો,
ના શું સુણો ભગવતી શિશુના વિલાપો,
મામ્ પાહિ ઓમ ભગવતી ! ભવ દુઃખ કાપો. 3
મા કર્મ જન્મ કથની કરતાં વિચારું,
આ સૃષ્ટિમાં તુજ વિના નથી કોઇ મારું,
કોને કહું કઠિન યોગ તણો બળાપો,
મામ્ પાહિ ઓમ ભગવતી ! ભવ દુઃખ કાપો. 4
હું કામ ક્રોધ મદ મોહ થકી છકેલો,
આડંબરે અતિ ઘણો મદથી બકેલો,
દોષો થકી દુષિતના કરી માફ પાપો,
મામ્ પાહિ ઓમ ભગવતી ! ભવ દુઃખ કાપો. 5
ના શાશ્ત્રના શ્રવણનું પયપાન પીધું,
ના મંત્ર કે સ્તુતિ કથા નથી કાંઇ કીધું,
શ્રદ્ધા ધરી નથી કર્યા તવ નામ જાપો,
મામ્ પાહિ ઓમ ભગવતી ! ભવ દુઃખ કાપો. 6
રે રે ભવાનિ બહુ ભૂલ થઇ છે મારી,
આ જિંદગી થઇ મને અતિશય અકારી,
દોષો પ્રજાળી સઘળાં તવ છાપ છાપો,
મામ્ પાહિ ઓમ ભગવતી ! ભવ દુઃખ કાપો. 7
ખાલી ન કાંઇ સ્થળ છે વિણ આપ ધારો,
બ્રહ્માંડમાં અણું અણું મહીં વાસ તારો,
શક્તિ ન માપ ગણવા અગણિત માપો,
મામ્ પાહિ ઓમ ભગવતી ! ભવ દુઃખ કાપો. 8
પાપે પ્રપંચ કરવા બધી વાતે પૂરો,
ખોટો ખરો ભગવતી પણ હું તમારો,
જળ અંધકાર દૂર કરી સદબુદ્ધિ આપો,
મામ્ પાહિ ઓમ ભગવતી ! ભવ દુઃખ કાપો. 9
શીખ સુણે રસિક છંદ જ એક ચિત્તે,
તેના થકી ત્રિવિધ તાપ ટળે એકચિત્તે,
વાઘે વિશેષ વળી અંબા તણા પ્રતાપો,
મામ્ પાહિ ઓમ ભગવતી ! ભવ દુઃખ કાપો. 10
શ્રી સદગુરુ શરણમાં રહીને યજું છું,
રાત્રિદિને ભગવતી તુજને ભજું છું,
સદભક્ત સેવકતણા પરિતાપ ચાંપો,
મામ્ પાહિ ઓમ ભગવતી ! ભવ દુઃખ કાપો. 11
અંતર વિષે અધિક ઉર્મિ થતાં ભવાનિ,
ગાઉં સ્તુતિ તવ બળે નમીને મુંડાણી,
સંસારના સકળ રોગ સમૂળ કાપો,
મામ્ પાહિ ઓમ ભગવતી ! ભવ દુઃખ કાપો. 12
મામ્ પાહિ ઓમ ભગવતી ! ભવ દુઃખ
મામ્ પાહિ ઓમ ભગવતી ! ભવ દુઃખ કાપો.
