'માણસ માત્ર ભૂલને પાત્ર',
'ભૂલ તો બ્રહ્માથી પણ થાય',
ન જાણે આવી કેટલીય કહેવતો,
માનવી જાણે છે, ને પંપાળે છે,
ને ભૂલો પર ભૂલો કરીને,
માફીઓ પણ માંગતો જાય છે!
માણસ ભટકાય ને ઠોકર ખાય,
પાછો ફરે ને માફી માંગે,
માણસ હ્દય તોડે , અપમાન કરે,
પછી સમજાય ને માફી માંગે,
બસ આજ જીવન માનવીનું!
ભૂલો કરતો જાય ને માફી માંગતો જાય.
સાંભળ્યું હતું ક્યાંક...
માફી માંગવી સહેલી નથી ને,
માફ કરવું છે બહુ જ કઠીણ,
માફ કરવા સંત થવું પડે ને,
માફી માંગવા હિંમત કેળવવી પડે,
માફી માંગવા ઝૂકવું પડે ને,
માફ કરવા ઉદાર થવું પડે.
તો ચાલો ઝૂકીને ગર્વ તોડીએ,
ઉદાર થઈ ગર્વાંવિત થઈયે,
ઈશ્વરની રચેલી આ સૃષ્ટિમાં,
ક્યારેક તો આપણે માનવી બનીયે?
પાષાણ ન થઈને નિર્ઝર બનીને,
પ્રેમ-વર્ષા ઝરમરતા રહીયે.
#માફી
