આજે માણસ તરીકેની વિશ્વસનીયતા ઘટી છે.
આજે માણસની ખુદની એવી માનવતા ઘટી છે.
ચહેરેમહોરે તો સૌ સારાને સજ્જન દેખાય છે.
ભરોસાની વાત ન કરો તમે કદી સભ્યતા ઘટી છે.
વિચારે જુદું, બોલે પણ જુદુંને વર્તે પણ જુદું જ,
માને છે એ પણ માણસ હોવાની શક્યતા ઘટી છે.
સાવ પશુથીય નપાવટ લાગે પૈસાનો ગુલામ એ,
સમાજમાં રહે છે તેમ છતાં સામાજિકતા ઘટી છે.
કાચિંડાને દીધો હરાવી રંગ બદલવાની સ્પર્ધામાં,
સંસ્કૃતિ પ્રત્યેની એની જાણે સભાનતા ઘટી છે.
ચૈતન્ય જોષી. ' દીપક ' પોરબંદર.
#વિશ્વસનીય
