#ત્વરિત
અનિકેતના બધા મિત્રો દુબઈ ફરવા જવાના હતા. સાથે સાથે અનિકેતને પણ સાથે આવવા દબાણ કર્યું. પરંતુ અનિકેતની આર્થિક સ્થિતિ એટલી સારી ન હતી કે દુબઈ ફરવા જઈ શકાય. અનિકેત અને તેની પત્ની અવની બંનેના મમ્મી પપ્પાએ તો અનિકેતને રૂપિયા આપવાની તૈયારી પણ દર્શાવી. પરંતુ બંને બાળકો સાથે દુબઈ ફરવા જવાના લાખ રૂપિયા કરતા ઓછા ન થાય. હજી માંદા સાજા હોય કે કોઈ તાત્કાલિક જરૂરિયાત ઊભી થઈ હોય અને મમ્મી પપ્પા પાસેથી રૂપિયા લેવાના થાય તો બરાબર પણ ફરવા જવા માટે મમ્મી પપ્પા પાસેથી રૂપિયા લેવા કોણ જાણે કેમ પણ અવની અને અનિકેત બંનેને બરાબર ન લાગ્યું. આથી ત્વરિત નિર્ણય લઈ અનિકેતે મિત્રોને દુબઇ માટે ના પાડી દીધી.
