આ સુરત છે
દર છ મહિને - વર્ષે આગ લાગે
દર ચાર - છ વર્ષે રેલ આવે,
પંદર - વીશ વર્ષે મહામારી મારે,
સુરતની આ કથની છે
રેલ સાથે ઋણાનુબંધ છે,
આગ સાથે અણબનાવ છે,
મહામારી એની મહેમાન છે,
સુરતની આ બદનસીબી છે
છતાં સુરતી ફરી ઉભો થશે,
બમણા જોરે ફરી દોડશે
દેશ-વિદેશમાં નામ કમાશે,
સુરતની આ ખુમારી છે
આફતે આફતે અવસર શોધશે,
અવસરને આવકમાં ફેરવશે,
બેલેન્સશીટ ને તગડી કરશે,
સુરતની આ કિમિયાગિરિ છે
ફરી પોંક પતંગ ને પાપડીની સીઝન આવશે,
સહકુટુંબ ફૂટપાથ પર બેસી ઘારી ખાશે, ને
"એની માંને....." કોરોનાને ગાળ આપશે,
સુરતની આ સંસ્કૃતિ છે
"આ સમય પણ વહી જશે",
તાપીના બન્ને કાંઠા છલોછલ હરખાશે,
મન "મોર" બની ફરી થનગનાટ કરશે
સુરતની આ પ્રકૃતિ છે
