ભીંજાઈ હૈયાની ધરતી રે,
શરમાયું આંખોનું આભ,
ટહુંક્યા રે મનનાં મોરલિયા રે,
આંગણિયે લીલી લીલી છાબ,
કે આ મોસમ- મોજ- દરિયામાં
નદી થઇ વહી જય રે,
ધીમો ધીમો વરસાદ,
પ્રીત દેછે કોઈને સાદ રે,
ભીનાં સપના ને ભીની રાત રે,
આ ધીમો ધીમો રે વરસાદ.
કોઈ જો પોતાનું હોય તો,
દુનિયા વ્હાલી લાગે રે,
એની હારે બે મીઠી વાત રે,
કોઈ બીજું કંઈ શું માંગે રે,
એના રંગો અંગે અંગે,
અંગે અંગે આવી રંગે,
હું ઉમંગે ઉમંગે હરખાઉં રે,
ધીમો ધીમો રે વરસાદ રે,
પ્રીત દેછે કોઈને સાદ રે,
ભીનાં સપનાં ને ભીની રાત રે,
ધીમો ધીમો રે વરસાદ રે.
