સહેલું હતું કેટલું મા-બાપની શીતળ છાવમાં ઉછરવું!
સહેલું જ હતું એટલું માતાની હેતાળ કોખે ઉછળવું!
સહેલું જ હતું આંગળી પકડીને લથડતાં પગે ચાલવું,
સહેલું હતું માંની ગોદમાં જઈ મીઠી ઊંઘમાં સરકવું!
સહેલું નથી શું વૃદ્ધ મા-બાપનું દર્દ ભાવ ભરીને ઠારવું?
સહેલું નથી શું લથડતાં ડગનો આધાર થઈને ચાલવું?
અઘરું છે માં-બાપનું સંતાન કણે કંઈ ખુશીનું માંગવું!
અઘરું કેમ પુત્રને વણ માગ્યે દુઃખ સહી સુખ આપવું?
~~ કે. વ્યાસ
#સહેલું
