હે પ્રભુ!
તારી આ આહ્લાદક સૃષ્ટિ સર્જનની કારીગરી લાગે કામણગારી,
વસંતના આગમનની ઉત્કંઠા વઘારે તારી કલાકારી,
પ્રણયની સોડમ ફેલાવે તારી વરસાદની બુંદો,
કોઈના જીવનની દોરીને મજબૂત બનાવે તારી સર્જકતા,
તો કોઈનો આસરો છીનવે તારી વસંતની રળિયામણી,
પ્રભુ !
અદ્ભૂત છે તારી વાત્સલ્યરચના !
નિ:શબ્દ છું તારી એ વાત્સલ્ય સમી મૂર્તિ સમક્ષ,
દુનિયાની સૌથી અમીર વ્યક્તિ છું એની બાહો માં,
વિશ્વની સૌથી સમ્માનિત વ્યક્તિ છું એની આંખો માં,
સંપૂર્ણ સૃષ્ટિનુ સુખ મળે છે જેની ગોદ માં,
એવી મારી "માં" ની રચના, વાહ ઈશ્વર વાહ!
આપજે મને દુઃખ - દર્દ, સહનશક્તિ એથી ચડિયાતી આપજે,
આપજે મને અસ્તિત્વ ટકાવી રાખવા માટેનુ ભોજન,
પરંતુ સંતુષ્ટિ નો મિઠ્ઠો ઓડકાર દરરોજ આપજે,
છીનવી લે જે દરેક પ્રકારના ભોગ - વિલાસ મારી પાસે થી,
પરંતુ મારી "માં" ની ઓથ નહી છિનવવાની અભિલાષા આ ગરીબની...
🙏🙏🙏
