થવાનું છે, તે થયા કરે
આતુર મન ભટક્યા કરે
પ્રથમ મળેલી આંખોનો,
પ્રેમનો પવન ફૂંકાયા કરે.
શાયર બની શાયરીમાં,
શબ્દોનો ધોધ વહ્યા કરે.
વસંતે આમ્રકુંજ મંજરીમાં,
કોયલનું ગીત સદા ગાયાં કરે.
શીતકાળે તરુવર વનરાજીના,
સમીર શીત સૂસવાટા ભર્યા કરે.
ઉષ્ણકાળમાં તપતી ધરતીના,
વા- વંટોળ ગરમ ફુંકાયા કરે.
વર્ષાકાળે જળ મળે સરિતામાં,
સાગર છલોછલ ઘુંઘવાટા કરે.
મર્કટ જેમ ચંચળ મન કૂદાકૂદમાં,
તરંગમય વિચારોમાં ચર્ચા કરે.
સૌ કોઈ નાશવંત જીવ લીલામાં,
જન્મમરણના ફેરા ભૂલ્યા કરે..
#આતુર
