#સક્ષમ
શહેરમાં દર વર્ષે યોજાતા યુથ ફેસ્ટીવલમાં શહેરની દરેક કોલેજ ઉત્સાહપૂર્વક ભાગ લેતી. દર વખતની જેમ આ વખતે પણ શહેરની એક નામી કોલેજે ઉત્સાહ પૂર્વક ભાગ લીધેલો. જો કે આ વખતે માત્ર બે દિવસ બાકી હતા ને નાટકમાં રહેલા વિદ્યાર્થીઓ આડા ફાટ્યા જોકે કાવ્યપઠન, ગાયન, વાદન અને અન્ય સ્પર્ધાઓ માં રહેલા વિદ્યાર્થીઓ બધી રીતે સક્ષમ હતા એટલે કોલેજ ના પ્રોફેસરે નાટકને નિભાવવાની બધી જ જવાબદારી તેઓને આપી દીધી. બે દિવસમાં જેમ તેમ પણ નાટક તૈયાર થઈ ગયું. સાથી કલાકારો સાથે સાથે નાટકના મુખ્ય પાત્ર પંથિલનો રોલ પણ ખાસ મોટો ન હતો એણે તો યુદ્ધમાં લડતાં લડતાં શહીદ થવાનું હતું પણ આર્ચી એ શહીદ થયેલા પતિની પત્નીનું પાત્ર નિભાવવાનું હતું આ પાત્રમાં એણે મેદાન માર્યું અને હોલ તાળીઓના ગડગડાટ થી ગુંજી ઊઠ્યો. જો કે ગમે તેવા સક્ષમ કેમ ના હોય પરંતુ તેઓ નાટકના કલાકારો ન હતા આથી દોઢ કલાકનું નાટક માંડ કલાક ચાલ્યું. જો કે કોલેજના પ્રોફેસર ને તો એ વાતનો જ સંતોષ હતો કે ગમે તેમ તો યે યુથ ફેસ્ટીવલમાં નાટકમાં પોતાની કોલેજની હાજરી પુરાવી શક્યા એ માત્ર ને માત્ર પોતાની કોલેજના સક્ષમ વિધાર્થીઓને કારણે જ તો.
