*જગન્નાથ*
😍🙏🌹🙏😍
જગના કણકણમાં
વ્યાપ્ત તું જગતનો નાથ,
શબ્દસંધીથી બ્રહ્મનાદે
જોડાયો તું જગન્નાથ !
જગતની હવા થઈ દુષિત એક વાયરસથી,
એનો નિકાલ થશે જરુર તારી નગરચર્યા થી...!
આમ તો તારું નગરમાં
ફરવા આવવું આષાઢી બીજે ગણાય,
પણ તારા જ નગરમાં ફરવા માટે એવી તો
કાંઈ રાહ જોવાય...?!
હે નાથ,
તારું જ છે ને...!
એયને તમારે તો બારેમાસ અવાય...!
બહેન સુભદ્રા ને ભાઈ બલભદ્રને સાથે લાવો,
ને અમારી ય મહેમાન ગતિ ક્યારેક માણો...!
મામાને ઘેર જાવ કે માસીને ઘેર....!
પણ ક્યારેક અમારા ય ઘરની મુલાકાત લેવાય...!
ને અમારાય ઘેર
સ્વાદિષ્ટ કાલી દાળને માલપુડૉં ખવાય...!
હાલમાં વાયરસની બીકે નામદાર કોર્ટે તને બહાર નીકળવાની ફરમાવી મનાઈ,
તું ય એકદમ કાયદાનો અમલ કરનારો, તેય જજની વાત માની
જરાય ન કરી
આનાકાની...!
અમેય સૌ હતા ચિંતિત કે તને એ વખતે ય આંખો પર પાટાં બાંધવા પડ્યા'તા,
એમ આ વખતે આ વાયરસની લ્હાયમાં મોઢે ય માસ્ક
પહેરવા પડત...!
જગતના નાથને
આંખે પાટાં ને મોઢે માસ્કમાં જોવો
અમે સહન ન
કરી શકત...!
એટલે રથયાત્રાની નગરચર્યા
રાખી મુલત્વી આ વખત,
સમજ્યાં નાથ જગત...!!?
તમારી પણ દરકાર અમને છે જગન્નાથ, સુભદ્રા ને બલરામ,
એટલે અમારે ય આપ સૌને લોકડાઉનમાં કરવાં દેવો'તો થોડોક આરામ..!
આ વ્યથા તું ય જાણે છે કે આખું જગ હવે કંટાળ્યું છે આ હૉંડમારીથી,
હવે તુજ એક છેલ્લો આધાર જે બચાવશે આ મહામારીથી...!
હે જગન્નાથ,
તું છોડતો નથી ગમે તેવા ચમરબંધને તારી સજાથી,
તો જરા પરચો બતાડીને ભગાડ આ
રાક્ષસી વાયરસને
તારા ચક્રથી...!
ચલાવ તારું સુદર્શન ચક્ર,જગન્નાથ...!
બસ,બહુ થયું.
સૃષ્ટિની ગરિમા પૂર્વવત્
કરી દે ,જગન્નાથ..!
બે હાથ જોડી વિનવે તારા બાળ,
સૌની વેદનાને બરાબર
કાન ખોલીને સાંભળ...!
🙏🛕🎠🛕🙏
ૠતંભરા વિશ્વજીત
*ૠત્વિશ્વ*
