દરવાજા ની ઘંટડી વાગી અને એમણે હાથમાનો નેપકીન દૂર થીજ સોફા માં ફેંકી દરવાજો ખોલ્યો
દૂધવાળો હિસાબ માટે આવ્યો હતો
થોડીવાર આડુઅવળુ જોયા પછી બૂમ પાડી "સાંભળે છે ? મારૂ પાકીટ કયાં છે? જડતુ નથી!
દૂધવાળો આંખો ફાડી ને એમને જોઇ રહ્યો છે તે નોંધ્યા વગરજ આગળ બોલ્યા "જોજે હવે મારી આડુઅવળુ મૂકવા ની ટેવ પર ડોસી ભાષણ આપશે 45 વરસ થયા લગન ને પણ ના હું સુધર્યો ના એ ભાષણ આપી ને થાકી "
દૂધવાળા ના મોઢા પર નજર પડી અને એ અચાનક બેસી પડ્યા. ડોસી ને ગયે હજી તો દિવસ પણ કેટલા થયા?
દૂધવાળો તો કાલે આવીશ કહી જતો રહ્યો પણ ડોસી વગર આડીઅવળી થઇ ગયેલ જીંદગી !! કદાચ ક્યારેય વ્યવસ્થિત નહિ થાય એ અફસોસ તો રહી જ ગયો
#આડુઅવળું
