*ભીતરનું દર્દ*
🎀🎀🎀🎀🎀
ભીતરનાં જ
દરીયાને
ભીતરમાં જ
ધર્યો,
એ ધોધમાર વરસાદને
ભીતરમાં
જ ભર્યો...!!
આ ભીતરનું દર્દ
હું કોને કહું...?!!
અહીંથી લઉં,
ત્યાં વહેચું,
ત્યાંથી લઈ,
અહીં વહેંચુ,
સુખ દુ:ખની લે વેચમાં હું જ મુંઝાઉ..!!
આ ભીતરનો ખાલીપો હું
કેમ સહુ...?!!
નરી ઠંડીમાં
ગરમીનો અહેસાસ,
લ્હાય જેવી
ગરમીમાં બની
હુંફાળો સહેવાસ,
ઋતુઓની
આપલેમાં હું જ રહેંસાઉં...!!
આ ભીતરનો તલસાટ હું
કોને કહું...?!!
સતત હસતી,
સતત હસાવતી,
હસી ખુશીના વહેપારમાં ખોટી
છેતરાઉં
બીજાને ખુશ રાખવાની લ્હાયમાં
નાહકની મલકાઉં...!!
આ ભીતરની વેદના
હું કોને કહું...?!
ઘણું ઘણું આપ્યું,
ને ગુમાવ્યું ય ઘણું,
છોળો ઉડાડી ઉડાડીને ગમતાનો
કર્યો ય ગુલાલ,
તોય કોઈ'દી પોતાને
ન પુછ્યો સવાલ...?!
આ ભીતરનો માલીપો હું
કોને કહું...!!
અહીંયાથી ત્યાં,
ને ત્યાંથી અહીંયા,
હેડીયો કાઢી ને
દોડ્યાં,
કરી જબરી ભાગાદોડી,
જીંદગીની
હાયવોયમાં પોતાની જાતને કાયમ જ અવગણી...!!
દુનીયાદારીની
હોડમાં ખુદ માટે
જ જીવવાનું
ભુલી જવાયું...?!!
આ ભીતરનો રઘવાટ કોને કહું...!!
દરેકે દરેક જણની
આ સમ વેદના,
કોઈ જ સમજે
નહીં એમની
સંવેદના,
સહુ કરતા અહી
ઢોંગ જીવવાનો,
થઈ ને અધમુઆં
તો ય દેખાડે માલપુઆં...!!
મનપાંચમના મેળાની બની કઠપુતળી
સૌ ખેલતા રહેતાં...!!
આ ભીતરનો
દર્દનાક ચિત્કાર
હું કોને કહું...?!!
🧘♀️🧘♀️🧘♀️🧘♀️🧘♀️
ઋતંભરા વિશ્વજીત
*ઋત્વિશ્વ*
