#આકૃતિ
હું વિચારું છું આ કોણ છે?
હું શોધું છું આ કોણ છે?
મને આ રીતે કહી કોણ શકે?
કોની આ હિંમત?
આ બધું બહુ વિચાર્યું,
હવે તો હું શોધીને જ રહીશ,
ક્યાં જઇને શોધું જે મળે જ નહીં,
જે મને સતત નીરખ્યા કરે,
મને બસ અંદરથી ચાહ્યા કરે,
મને સાથ આપ્યા કરે મુશ્કેલીમાં,
મેં જે કલ્પ્યું પણ ન હોય તેવું વર્તન કરે,
કોઇ વાર મને વઢે પણ
તો કોઇ વાર મારું ઉપરાણું પણ ખેંચે,
મને મારી પાસેથી જ છીનવીને લઇ જાય
અને મને ખબર પણ ન પડે;
કોણ છે તે?
તે છે
મારાં જ ચરિત્રની આભા છતી કરતી
મારી જ ઓળખાણ મને આપતી
મારા જ અર્ધજાગૃત મનમાં રહેલી
મારી "આકૃતિ"...
---નૃતિ શાહ