બનાવવી છે ચૂંદડી મારે મારી માતાની,
બનાવી મારા હાથથી ચૂંદડી મારી માતની.
લાલ-લીલી ચૂંદડીમાં ભાત અનેરી મારી માતની,
ટમટમતાં આભલાં લગાવી ચૂંદડી મારી માતની.
સોનાના તારે કેમ કરી મઢાવું ચૂંદડી મારી માતની,
ખોબલે ખોબલે લાગણી પરોવી ચૂંદડી મારી માતની.
રૂપાના ફૂલડાં કેમ કરી મઢાવું ચૂંદડી મારી માતની,
નીચોવી મારા સ્વપ્નો હેતે ભરી ચૂંદડી મારી માતની.
ઓઢાવું જગદંબે પ્રેમે આ ચૂંદડી મારી માતને,
દર્શન આપીને તારો આ જીવન ચૂંદડી મારી માતની.
દિપ્તીબેન પટેલ.
વડોદરા.
