જ્યારે મોટી ઉંમરે સ્ત્રી આકાશ મા ઉડવા નુ ચાલુ કરે છે સ્વતંત્રતા થી જીવે છે ત્યારે પુરુષો લવિચારે છે....
આને પાંખો આવી છે !!!
અરે ...ભલા માણસ... પાંખો તો એને જન્મ થી જ મળી છે.
પણ એ સ્વેચ્છાએ એને સંકેલી ને બેઠી હતી.
એણે ગૃહસ્થી ને કદી પિંજરુ ગણ્યુ જ નથી.... માળો જ માન્યો છે.
પોતાની પાંખો ની હૂંફ થી એણે પરિવાર ને સેવ્યો છે.
ક્યારેય ઉડવાની તમન્ના નથી કરી.
પણ...પણ...આ મુકામ પર...
જ્યારે પક્ષીઓ જ ઉડી ગયા છે તો હવે એ પણ જરી પાંખો ફફડાવે તો ખોટુ શું છે ?
એને આકાશ નથી જોઇતું...
એને ઉડી ને ચાલ્યા પણ નથી જવું.
એને તો બસ ....થોડી અમસ્તી મોકળાશ જોઇએ છે.
એ તમારા જ આપેલા 'સમય' નાં ટૂકડા ને મનગમતી પ્રવૃત્તિ થી ભરવા માટે એક ટૂકડો 'અવકાશ' માંગે છે
તો .... શુ એ વધારે કાંઇ માંગે છે ???
એને
થોડુ ખિલવુ છે...
થોડુ ખુલવુ છે.....
થોડુ વહેવુ છે...
થોડુ કહેવુ છે...
થોડુ મ્હોરી ને
થોડુ મહેંકવુ છે.
તો શું એ ખોટું છે ???..
