Holi Special: Know Which Kind Of Holi Celebration In All Over The World
ભારતમાં જ નહીં આ દેશોમાં પણ ઉજવાય છે અનોખી હોળી!
હોળી ભારતના મુખ્ય તહેવારોમાંનો એક તહેવાર છે. તમને જાણીને નવાઈ લાગશે કે હોળીનો તહેવાર માત્ર ભારતમાં જ નહીં પણ બીજા દેશોમાં પણ મનાવવામાં આવે છે. પરંતુ ત્યાં તેને મનાવવાની પદ્ધતિ અને પરંપરા જુદી છે. જાણીએ કયાં દેશમાં કેવી રીતે મનાવવામાં આવે છે હોળી...
ઇટાલીઃ-
ઇટાલીમાં આ ઉત્સવ ફેબ્રુઆરી મહિનામાં રેડિકાના નામે મનાવવામાં આવે છે. સાંજે લોકો જુદી-જુદી વેશભૂષામાં કાર્નિવલની મૂર્તિને એક રથમાં બેસાડી, ગાતા-વગાડતા ઝુલૂસના રૂપમાં નિકળે છે. આ ઝૂલૂસ નગરના મુખ્ય મુખ્ય ચાર રસ્તાઓથી પસાર થઈ શહેરના મુખ્ય ચોક ઉપર પહોંચે છે. ત્યાં એકઠા કરેલા સૂકાં લાકડાંને આ રથમાં ઊભા કરી આગ પ્રગટાવવામાં આવે છે. ત્યારબાદ બધા નાચ-ગાન કરે છે.
ફ્રાન્સઃ-
ફ્રાન્સના નારમંડી નામના સ્થળે ઘાસથી બનેલી મૂર્તિને શહેરમાં ફેરવી ગાળો તથા અશ્લીલ શબ્દો બોલતા આગ લગાડવામાં આવે છે. બાળકો હો-હલ્લા કરતા તેના ચક્કર લગાવે છે.
જર્મનીઃ-
-ઇસ્ટરના સમયમાં વૃક્ષોને કાપીને ગાડી દેવામાં આવે છે. તેને ચારેય તરફથી લાકડાં આને ઘાસનો ઢગલો કરવામાં આવે છે અને તેમાં આગ લગાડવામાં આવે છે. તે સમયે એક-બીજાના મોં ઉપર રંગ લગાડે છે અને એકબીજાના કપડાં ઉપર રંગોના થપ્પા લગાડીને લોકો ખૂબ જ આનંદ કરે છે.
સ્વીડન નોર્વેઃ-
-સેન્ટ જોનની પવિત્ર તિથિ ઉપર લોકો એકઠા થઈ અગ્નિ ક્રીડા મહોત્સવ કરે છે. સાંજે કોઈ મોટા સ્થાને આગ લગાડી નાચે-ગાય છે ને અગ્નિની પરિક્રમા કરે છે.
સાઇબેરિયાઃ-
ગ્રીષ્મઋતુના આગમન પહેલા બાળકો ઘરે-ઘરે ફરીને લાકડાંઓ એકઠા કરે છે અને ત્યારબાદ એક જગ્યાએ ભેગા કરી આગ લગાડવામાં આવે છે. સ્ત્રી-પુરુષ એકબીજાના હાથ પકડીને ત્રણવાર અગ્નિની પરિક્રમા કરી અગ્નિને ક્રોસ-(ઓળંગે) કરે છે. તેમનું માનવું છે કે એમ કરવાથી આખા વર્ષમાં તાવ નથી આવતો.
અમેરિકાઃ-
-અમેરિકામાં હોળીનો તહેવાર હેલોઇન નામથી દરવર્ષે 31 ઓક્ટોબરની રાત્રે મનાવવામાં આવે છે. આ તહેવારમાં બાળકોની ટોળીઓ સૂર્યાસ્ત પછી હેલોઈન રમવા માટે તૈયાર થઈ જાય છે.એટલે આ રીતે હોળીનો તહેવાર ભારતમાં જ નહીં દુનિયાના બધા દેશોમાં કોઈને કોઈ નામે ચોક્કસ ઉજવવામાં આવે છે. નામ ભલે અલગ હોય પણ તેની પાછળની ભાવનાઓ લોક એકતા અને સંબંધોની જાળવણી તથા ઉત્સાહ પ્રગટ કરવાનો જ હોય છે
