વૃન્દાવનન નગરીમાં પ્રેમ આજેય જળહળતો હશે,
પ્રીતઘેલી રાધેના હૈયે, કાન્હ આજેય મળતો હશે.
આમ જ ક્યાં રેલાય છે સૂર વાંસળીના કાન્હાની,
રાધે તણી પ્રીતનો એ રાગ, એમાંયે ભળતો હશે.
તરસતો હશે કાન્હ પણ ક્યાંક રાધેના વિરહમાં,
અધુરો એ પ્રેમ-દરિયો, નિજ મનેય ઉછળતો હશે.
સાતેય રંગ આસમાનના શિર ધરી સર પર એના,
મોરપીંછમાં તો રાધે તણો, રંગેય ઊભરતો હશે.
બનવાને એ ત્યાગ મુર્તિ, આંસુયે સુકાણા આંખે,
રાધે કેરી પ્રતિતિ કાજ, માંહ્યલોય કરગરતો હશે.
સોળસો ગોપીઓ સંગ છોને રમતો રાસ કાનુડો
એક રાધેનો ચહેરો હરદમ, આંખમાંયે ચળકતો હશે.
ચર્ચાતી નથી એમ જ અહીં જોડી રાધે-શ્યામ તણી,
હર પ્રેમી હ્રદયે ક્યાક એવો, શ્વાસેય ધબકતો હશે.
#પ્રેમરચના
#ગઝલ_એ_રાધેશ્યામ
- અમિત બાબરીયા " #રાધે "
- નીરવ પટેલ " #શ્યામ "
