ઓછપ
પહેલા એમનો થોડો સાદ ઓછો થયો,
ને પછી ધીરે ધીરે પ્રતિસાદ ઓછો થયો,
કોની હતી આ ભૂલ, એ ખબર જ ના પડી,
પહેલા મૌન છવાયું ને પછી નાદ ઓછો થયો,
જ્યારે ઉમેરવામાં થોડો વિશ્વાસ રહી ગયો,
ભાવતા સબંધનો ત્યારે જ સ્વાદ ઓછો થયો,
અંતર વધ્યું તો વધીને, એ ગયું તિમિર સુધી,
સૂર્યાસ્ત પછી પ્રતિબિંબનો ઉન્માદ ઓછો થયો,
લાગે છે હવે વૃક્ષને એની ડાળીનો પણ ભાર,
જીવન માંથી હવે સબંધ એકાદ ઓછો થયો.
~ ઇમ્રાન ખાન ©
૧૬ ઑક્ટોબર ૨૦૧૯.
