2020માં શનિ કરશે પોતાની જ રાશિમાં ગોચર, 19 વર્ષ બાદ ખુબજ દુર્લભ સંયોગ
આજથી નવા વર્ષની શરૂઆત થઈ ચુકી છે. 2020ના પહેલા જ મહીને 24 તારીખે શનિ રાશિ પરિવર્તન કરી રહ્યો છે. શનિ ધનુ રાશિ છોડીને પોતાની જ રાશિ મકરમાં પ્રવેશ કરશે. આનું શુભ અશુભ ફળ દરેક રાશિ પર પડશે. જ્યોતિષીય દ્રષ્ટિએ વર્ષ 2020 દરેક રાશિ સાથે દેશ-દુનિયા માટે પણ ખૂબ જ ખાસ રહેશે.અન્ય ગ્રહ ખૂબ જ ઓછા સમયમાં રાશિ બદલે છે, જ્યારે શનિ અઢી વર્ષમાં એકવાર રાશિ પરિવર્તન કરે છે.
શનિ મકર રાશિમાં પ્રવેશ કરશે ત્યારે બધી જ રાશિઓ ઉપર તેની અસર શરૂ થઇ જશે. 2020ના મધ્યમાં શનિ વક્રી પણ થશે. આ સ્થિતિ 11 મેના રોજ બનશે. 2020માં બૃહસ્પતિ પણ તેની રાશિ બદલશે. 2020માં આ બંને ગ્રહોના રાશિ પરિવર્તનની સમાજ અને વ્યક્તિ વિશેષ ઉપર પ્રભાવ પડશે. આ સિવાય રાહુ પણ 23 સપ્ટેમ્બરે વૃષભ રાશિમાં પ્રવેશ કરશે. તેનો પણ વ્યાપક પ્રભાવ બધી જ રાશિ ઉપર જોવા મળશે.
વર્ષ 2020માં શનિની સ્થિતિઃ
વર્ષની શરૂઆતમાં જ એટલે 1 જાન્યુઆરીએ શનિ અસ્ત થઇ જશે. જે લગભગ 32 દિવસ એટલે 1 ફેબ્રુઆરી સુધી અસ્ત રહેશે. ત્યાર બાદ શનિનું શુભ ફળ મળવાનું શરૂ થશે. ત્યાં જ 11 મેથી 29 સુધી શનિ મકર રાશિમાં વક્રી થઇ જશે. આ 142 દિવસો સુધી અનેક રાશિ ઉપર શનિનો અશુભ પ્રભાવ રહેશે. આ પ્રકારે આખું વર્ષ શનિની શુભ-અશુભ અસર તમામ રાશિઓ ઉપર રહેશે.
આ વર્ષે દેશની રાજનીતિ અને ભૌગોલિક સ્થિતિમાં મોટાં બદલાવ આવી શકે છે. દેશની સીમાઓ અને પાડોશી દેશ સાથે જોડાયેલાં મહત્વપૂર્ણ નિર્ણયો પણ આ વર્ષે લેવાઇ શકે છે.
