*બાઈક લઈને તારા ઘર આવું,*
*અને હોર્ન મારી ને તને નીચે બોલાવું તો આવી જજે*
*પૂછવાનું નઈ " ક્યાં જઈએ છીએ?"*
*બસ, પાછળ બેસી જજે.*
*મોબાઇલ ની કઈ જરૂર નથી, નકામો ભીનો થશે,*
*એના કરતાં એને ઘરે જ મૂકી ને આવજે.*
*ચિંતા ના કર.*
*કઈ કામ હોય તો, મારો મોબાઇલ છે, પાછળ એવી રીતે બેસજે કે પેલા "મીરર" માં તું દેખાય મને.*
*અને મારી એક નજર રોડ ઉપર અને બીજી તારા પર રહેશે.*
*ચિંતા ના કર*
*બાઈક બીલકુલ સ્પીડ માં નહી ચલાવું.*
*હાઇ-વે ના છેક છેલ્લી લેન માં શાંતિ થી ચલાવીશ.*
*અને ટોલ નાકાથી સહેજ આગળ એક શાંત ખૂણા માં ઉભા રહીશું.*
*એક સ્ટ્રીટ લાઇટ ના આછા પ્રકાશ નીચે બાઈક ના ટેકા પર ઉભા રહીશું. વરસાદ ના ટીપાં ને તારા ચહેરા પર પડે તો પડવા દેજે,*
*અને તારા ગળા ને હું પરબ સમજી પાણી પીવું તો પીવા દેજે ..........*
*બસ મન ભરી ને એકબીજા ને માણી લઈએ*
*એક શબ્દ પણ નથી બોલવાનો*
*વરસાદ બંધ થઈ જાય તો ઝાડ નીચે પેલા પાંદડા માંથી ટીપાં પડેને, એની નીચે ભિંજાશું.*
*ભીની માટી અને તારી બંને ની મહેક ને આજે મન માં ભરી લઈશ હું*
*અને કોઈક ફૂટપાથ ના નાના ધાબા ઉપર જઈને ગરમ ચા ની ચૂસકી મારીશુ*
*જો આ ઠંડા પાણી થી હું ધ્રુજી પડું ને*
*તો મને સંભાળી લેજે.*
*તારા ઘર જઈએ ત્યારે ટુવાલ લઈને એક બીજા ના માથા કોરા કરી લઈશું.*
*ઘર જઈને તો વિક્સ લગાવવી જ પડશે.*
*અને કાલે ઓફીસ માં બંને ને અઢળક છીંક પણ આવશે*
*પણ આજે*
*બાઈક લઈને તારા ઘર આવું અને હોર્ન મારી ને તને નીચે બોલાવું તો આવી જજે*
*પૂછવાનું નઈ " ક્યાં જઈએ છીએ?"*
*બસ, પાછળ બેસી જજે.*
