જેમ આવે છે નવી, જૂની બહારો જાય છે;
એક પછી એક આમ વાસંતી સવારો જાય છે.
છે અચળ,રોચક,અકળ રહસ્યો ભર્યા છે ભીતરે;
આ ધરા પરથી અલૌકિક કૈંક નજારો જાય છે.
કાળજી લીધી હતી જોખમ ઉઠાવી જીવની,
ઠાઠડી પર શબ મુકી જીવ બે-સહારો જાય છે.
પોતપોતાની બધી તાકાત પર નિર્ભર રહે,
એકને મળશે તો બીજાનો ઈજારો જાય છે.
કોઈને દેખાય પંખી, કોઈને ખાલી નયન;
કોઈ લક્ષ પર, કોઈના ખાલી પ્રહારો જાય છે.
-અશોક વાવડીયા
છંદ=રમલ મહફૂઝ બહર નો ૨૬ માત્રા
ગુજરાતી શબ્દો
ગાલગાગા ગાલગાગા ગાલગાગા ગાલગા
અરબી શબ્દો
ફાઈલાતુન ફાઈલાતુન ફાઈલાતુન ફાઈલુન
