#Kavyostav -2
स्मृती-
वृक्ष तरू लता जेव्हा या यौवनात आल्या !
सुगंधित तुझ्या स्मृती पुन्हा जीवंत झाल्या !
आला वसंत जेव्हा फुलवित सृष्टी
ओघळले निर्झर जेव्हा खळाळत्या कंठी
गीतांच्या त्या ओळी ओठांवर आल्या
सुगंधित तुझ्या स्मृती पुन्हा जीवंत झाल्या !
भटकलो माळावरी जेव्हा खुणेच्या मंदिरी
चिंबवले जेव्हा बेछूट तुफानी धारानी
स्पर्शांच्या त्या बेभान स्मृती अनावर झाल्या
सुगंधित तुझ्या स्मृती पुन्हा जीवंत झाल्या !
भुललो जेव्हा सौंदर्यास त्या ताटव्यांच्या
मती गुंग झाली गुलाबी सुगंधाने त्या
काट्यानी जखमा रक्तबंबाळ त्या केल्या
सुगंधित तुझ्या स्मृती पुन्हा जीवंत झाल्या
..... प्रल्हाद दुधाळ.
9423012020
