#KAVYOTSAV -2

પહેલ અહીં, ક્યાં કોઈ સંબંધોને ટકાવવાની કરે છે
રસ્તામાં મળે ને કેમ છો? પુછી ડગલાં ભરે છે

સંબંધ આજે, ચાતકની અધુરી તરસ જેવા થયાં
દીકરાની યાદોમાં જ મા-બાપના અંતર ઠરે છે

એમજ તો ક્યાં કોઈની પાસે સમય છે મળવાનો
જરૂર પડ્યે એજ બધાં મળવાં માટેય મરે છે

ક્યાં કોઈ હાલચાલ એકબીજાના પુછે છે! ને એજ
દુ:ખના દરિયામાં પાછળ ને સુખમાં આગળ તરે છે

પહેલ તો જિંદગી જીવવાની કરવાં જેવી છે
પરંતુ કેમ તેનાથી જ માણસ આટલો ડરે છે?

સુખ દુ:ખને શું એમજ વાગોળતાં રહેવાં?
જોને એક નિરાશ થઈ, તો બીજો મોજમાં ફરે છે

- જયદિપ ભરોળિયા ( ડિયર જયુ )

Gujarati Good Night by status india : 111155233

The best sellers write on Matrubharti, do you?

Start Writing Now