મનથી શરુ કરી ઉર સુધી જવું નામ એનું ઉત્સવ.
અસ્તિત્વ આપણું બીજામાં ખોવું નામ એનું ઉત્સવ.
આપણાં અવગુણો ગણી સવાયાને દૂર કરવાનાને,
અવરનાં છિદ્રોને ઢાંકતા રહેવું નામ એનું ઉત્સવ.
ઊંચાઇ બીજાની આંબવા ટીકાથી દૂર રહેવું એની,
કરી વિકાસ સ્વયંનો એવું થવું નામ એનું ઉત્સવ.
પર સેવાને પરસેવાથી ના રહેવું દૂર ક્યારેય કદીએ,
ફળ સખત મહેનત તણું ચાખવું નામ એનું ઉત્સવ.
ઠીક છે પરમપિતાને આપણે યાદ કરતા હરહંમેશ,
એ આપણને યાદ કરે એવું કરવું નામ એનું ઉત્સવ.
ચૈતન્ય જોષી પોરબંદર. ' દીપક '
