ખરીદવું નથી કંઈ બજારે શું જઈએ
રખડવા ના ખાલી વિચારે શું જઈએ

હયાતીમાં વાગ્યા 'તા કંટક ની માફક
લઈ ફૂલ એની મજારે શું જઈએ

" નહીં પાછા ફરીએ " કહી નીકળ્યા છી'
હવે નાવ લઈને કિનારે શું જઈએ

ગગન આંખ મિંચવાથી ભીતર મળે છે
પછી કોઈ ઊંચા મિનારે શું જઈએ

અમે રાતવાસો નથી ક્યાંય કરતા
મળ્યા ને આ ચાલ્યા ઉતારે શું જઈએ !

હરકિસન જોષી

English Shayri by Burning Snow : 111067265

The best sellers write on Matrubharti, do you?

Start Writing Now