સોળેસજી શણગાર મારું મનડું મલકાય,

આવે જો પ્રિતમ જીવન ધન્ય થઇ જાય.

એ આવ્યાના ભણકારે મારું હૈયું ભરમાય,

ને ઓઢણી નો છેડો મારો સરી સરી જાય.

ચાંદની જેવું ખીલતું મારું યૌવન કરમાય,

સ્પર્શ મળે તારો જો, એ ખીલીખીલી જાય.

વાટ જોતા ઉંબરે મારા નયનો છલકાય,

જોને વિરહની વેદના હવે સહી ના જાય.

મારી વેણીના મોગરા સાદ પાડી શરમાય,

આવ ને મારા પીયુ આ જિંદગી વહી જાય.

Gujarati Good Evening by Kunal Thakar : 111065347

The best sellers write on Matrubharti, do you?

Start Writing Now