ઘણો સમય વીતી ગયો તારાં કોઈ
વાવળ નથી મળ્યાં,
તારાં ગામેથી વાતાં વાયરા પારખવામાં
નાકામ રહ્યો છું શાયદ

અનહદ લૂંટાવ્યો પ્રેમ તારા પર ખુદ
ખોવાઈ જઈને,
તારું નામ સૌથી છુપાવીને આવારા
સરેઆમ રહ્યો છું શાયદ

તું મળવા આવે ને તન-મન સઘળું
સમર્પિત કરી દઉં તુજ પર,
પણ મારા જ હૃદયનાં ખૂણાઓમાં હું
મહેમાન રહ્યો છું શાયદ

રોજે રોજ મિલનની પળો ને વિરહની
વાતો ને જુદાઈનો ડર,
મુલાકાતોનાં દોરમાંથી અળગો થઈને કોરેકોરો
પૈગામ રહ્યો છું શાયદ

Gujarati Shayri by Ishwar Ahir : 3009

The best sellers write on Matrubharti, do you?

Start Writing Now