હું જાણું છું, કેટલીય લાગણિઓ અકથિત હશે તારા મારા વચ્ચે,
કહી ન શકાયેલી ઘણી વાતો અકથિત હશે તારા મારા વચ્ચે.
.
મળી નથી શક્યા આપણે એકમેકને કદી આમને-સામને,
પણ હું જાણું છું અંતરમાં ઉમંગ ઘણો હશે તારા મારા વચ્ચે.
.
શક્ય નથી હવે આ ભવે આપણા બંનેનું એકબીજાને મળવાનું,
પણ ભવોભવના સાથી બનવાનો ઉમળકો હજુ હશે તારા મારા વચ્ચે.
.
કેટલીયે લાગણીઓના ઘોડાપુર ઉછળતા હશે આપણા મનમાં,
પણ એક પ્રેમભરી અકથિત લાગણીતો હશે તારા મારા વચ્ચે.
.
તા.09/04/2020. -© ભરત રબારી
વાર:- ગુરુવાર (માંગરોળ,જી. જુનાગઢ)
#અકથિત
