ઝાકળ...
છું હકીકત તો પણ સપનું જેવું લાગે છે,
નાહક આ ડર, કેમ મને હંમેશાં લાગે છે.!
પર્ણ પર બિરાજુ તો અસ્તિત્વ ચમકે ,
ઉદક મહીં મારું અસ્તિત્વ નાશ પામે છે.
ભળી મુજમાં મહેક પ્રસરવા લાગે જોને,
બાગમહીં જાણે યૌવન ખીલ્યું લાગે છે.
પ્રિયેનું પ્રતિબિંબ એ મુજમાં નિહાળે ,
સમજાય મને ત્યારે કોઈ પ્રેમમાં લાગે છે.
પ્રેમની એ રીત મને ઘણી પ્યારી લાગે ,
સરખાવી મુજથી કોઈ પ્રિયને મનાવે છે.
જે છે, જેટલું છે, ઘણુ જ સુંદર લાગે છે,
ઝાકળ હોવું જ મને તો સાર્થક લાગે છે.
મિલન લાડ. વલસાડ કિલ્લા પારડી.
#lagninopaheloahesaseprem
#kajalozavaidyafansclub
