એની ખામોશી કેટલી ખૂબસૂરત હોય છે.
ફોન પર ચાલુ વાતે થોડૉ વિરામ લઇને
એક લાંબો શ્વાસ લઇને વાત કરવાનું ફરી શરૂ કરે...
ત્યારે ...
મહોતરમાના અવાજમાં સુંગધી ભીનાશની છાંટ સાથે
લાગણી સિતારનો રણઝણતો સૂર એનાં શ્વાસને
સંગીતમય બનાવીને મારા કાનને અડકે છે.
અને એ માયાળુ યાયાવરી પંખીણીના ટહુકાથી
હ્રદય, મન, આત્મા, સહિત મારી સાંજ ટહુકી ઉઠે છે..
એનાં શ્વાસોનાં ફફડાટ અને મારા હ્રદયનાં થડકાર
વચ્ચેની ટેલિપથી સર્જાય છે.
અને
થોડી ખામોશી પછી બંને એકી સાથે બોલી ઉઠીએ છીએ!
"આઇ લવ યુ"
