#नातंजीवाभावाचं ..!!!
रक्षा करणं हे बंधन नाही..
एकमेकांचं कर्तव्य आहे..!!
आईच्या ममते इतकच
बहिणीच्या प्रेमालाही महत्त्व आहे...!!
ते लहानपणीचे लहान-मोठे भांडण..
छोट्या छोट्या गोष्टीवरून मोठ्या मोठ्याने रडणं..!!
एकमेकांच्या गोष्टीसाठी एकमेकांना ओरडणं..
कधी हसवणार तर हसता हसता रडणं...!!
कसं असतं बालपण समजत नाही तोपर्यंत निघून जातं,
जेव्हा समजतं तेव्हा बालपण नसतं..!!
मोठेपणी कर्तव्याची जाणीव रुसवे फुगवे
एकमेकांची चेष्टा कुठेतरी हरून जातो..
खरंच काय असतो भाऊ एका बहिणीसाठी..
जसा ज्ञानोबा आदिशक्ती मुक्ताई साठी..!!
हेच का ते बंधन द्रौपदीने कृष्णाला बांधलेलं..
रक्ताच्या नात्यापलीकडे स्वतःच्या अस्तित्वासाठी जपलेलं..!!
आता नसतो मुळी हट्ट काहीतरी मौल्यवान वस्तूंचा...
अपूर्ण असलेल्या अपेक्षांचा...!!
आता वाटतं असावा ,सुखी संसार भावाचा
याचसाठी बहीण करते धावा देवाचा..!!
दीर्घायुष्य लाभो प्रत्येक भावाच्या त्या बहिणीला..
प्रेमळ भाव नेहमी राहो बहीनीच्या भावाला..!!
दृष्ट नको लागायला दोघांच्या प्रेमाला..
अशीच कायम राहो जिवाभावाला...!!
जसा ज्ञानोबा मुक्ताई साठी ..
असाच माझा भाऊ माझ्यापाठी..!!
✍️✍️Archu..!!
