શબ્દોને સજાવ્યા કરો ક્યારેક ક્યારેક.
અર્થોને ઘટાવ્યા કરો ક્યારેક ક્યારેક.
રોજરોજ નિતનવી સમસ્યા આવવાની,
તોય મુસ્કુરાયા કરો ક્યારેક ક્યારેક.
સપનાની દુનિયા બને યા ન પણ બને,
છતાંયે ધૈર્ય ધર્યા કરો ક્યારેક ક્યારેક.
હરપળ હોય હરિ હારે એ ના ભૂલાય,
કર્મપથ પર ધપ્યા કરો ક્યારેક ક્યારેક.
બગાસું ખાતાં પતાસું મુખે ના આવે તો,
મંજિલ લગી ડગ ભર્યા કરો ક્યારેક ક્યારેક.
- ચૈતન્ય જોષી. " દીપક " પોરબંદર
