કાનુડા ભરી લેને પિચકારી તો આજે હોળી મનાવીએ
જો તું એવું કૈં શકે વિચારી તો આજે હોળી મનાવીએ
તેં પણ મનાવી હશે અતીતે હોળી ગોપબાળોની સંગે,
જો રમવાની હોય તૈયારી તો આજે હોળી મનાવીએ
રંગ કેસૂડાના ઘોળીઘોળી તૈયાર કીધા છે વહાલમ મેં,
ને જોતાં રહે નરને નારી તો આજે હોળી મનાવીએ.
રંગ લગાવીને માખણ પણ ખવડાવીશ હોને કહાના,
ઊભય ઉરઅગન દે ઠારી તો આજે હોળી મનાવીએ
છોને અંશઅંશી થૈને બિનધાસ્ત આજે હોળી ખેલતા,
લાલા તારા પર જાઉં વારી તો આજે હોળી મનાવીએ
- ચૈતન્ય જોષી. " દીપક " પોરબંદર.
