સુડોકુ
જાપાનમાં અવનવી પઝલ્સ અને બોર્ડ ગેમ્સ બનાવતી કંપની
નિકોલીએ ૧૯૮૬માં સુડોકુ નામની પઝલ રચી અને
પુસ્તકના સ્વરૂપે પ્રગટ કરી. (સુડોકુ = એક જ અંક). નામ
પ્રમાણે ૯ X ૯ના મોટા ચોકઠાની અંદર ઊભી તેમજ આડી
લીટીમાં ૧ થી ૯ સુધીનો દરેક
અંક માત્ર એક વખત મૂકવાનો હતો
એટલું જ નહિ, પરંતુ મોટા ચોકઠાની
અંદર ૩× ૩ના આંતરિક ચોકઠામાં પણ
એ શરતનું પાલન કરવાનુ હતું. આઠેક વર્ષ સુધી તો
સુડોકુનું ચલણ જાપાન પૂરતું મર્યાદિત રહ્યું, પણ આજે તે
અખબારી જગતમાં સૌથી વધુ છપાતી પઝલ છે. આ પઝલને જાપાની કંપનીએ તો ૧૯૮૬માં અપનાવી,
પ્રથમવાર જાપાનના નહિ, પણ ફ્રાન્સના પઝલમાસ્ટરોએ સુડોકુની પઝલ રચી હતી અને તેનો આજના જેવા સ્વરૂપનો પહેલો નમૂનો
જુલાઇ ૬, ૧૮૯૫ના દિવસે La France નામના ફ્રેન્ચ દૈનિકે
છાપ્યો હતો. સંજોગોવશાત્ ત્યારે એ ખાસ
લોકપ્રિય ન બની અને પ્રથમ વિશ્વવિગ્રહ દરમ્યાનની કટોકટીએ તેને સાવ ભુલાવી દીધી. ૧૯૭૯માં હાવર્ડ ગેન્સ નામના અમેરિકને તેનો અમુક હદે જીર્ણોદ્ધાર કર્યો, પણ ખુદ તેને એ માટે નામના મળી નહિ. પઝલને છેવટે ટૂંકાક્ષરી જાપાની શબ્દ સુડોકુની મહોર લાગી.
https://www.facebook.com/share/p/1NJ9UFysmm/
