વીરાના કાંડા પર રાખડી બાંધુ ને
મારા હૈયામાં બાળપણ છલકે...
જૂના ફોટાઓ રંગીન બની જાય
અને ફરીથી ભોળપણ છલકે...
ભાઈ-બેનીનો પ્રેમ આજ મલકે...
છુટ્ટા છવાયા ઝાપટાની જેમ
હવે મળવાનું થાય બહુ ઓછું
હસવાનું થાય પણ, પાસે બેસીને
હવે રડવાનું થાય બહુ ઓછુ
પહેલાંના દિવસોની ક્યાં છે નિરાંત?
આજે ઓચિતુ વડપણ છલકે...
ભાઈ-બેનીનો પ્રેમ આજ મલકે...
કંકુ ચોખાથી કરું ચાંદલો કપાળ પર
રાખડી બાંધીને કરું રક્ષા
ઈશ્વરને કહેવું છે ઝાઝીના કરશો
મારા ભાઈની પરીક્ષા
લઉં છું ઓવારણાં ત્યાં બારણે આવીને
આંખોનું આંગણ છલકે...
ભાઈ-બેનીનો પ્રેમ આજ મલકે...

Gujarati Good Morning by Bhumika Vyas : 111991809
ભૂપેન પટેલ અજ્ઞાત 1 year ago

રક્ષાબંધનની શુભેચ્છા

Ghanshyam Patel 1 year ago

🙏🙏🙏🙏🙏

The best sellers write on Matrubharti, do you?

Start Writing Now