...." છોડને યાર "

જિંદગીના છે દિવસ ચાર, છોડને યાર;
એમાં મરવું કેટલી વાર? છોડને યાર;

હસતાં કે રડતાં નિભાવવો જ તો રહ્યો,
જેને જે મળ્યો છે કિરદાર, છોડને યાર;

ઊગે ને આથમે, સૂરજ હોય કે કિસ્મત,
કર્મો પ્રમાણે ખુલે છે દ્વાર, છોડને યાર;

ચાર દી 'ની ચાંદની છે, માણો મોજથી,
શ્વાસો ક્યાં મળે છે ઉધાર? છોડને યાર;

પાર પાડી સાંગોપાંગ તૂફાની દરિયે નાવ,
પણ, ડૂબી મળતાં જ કિનાર, છોડને યાર;

કેટલુંક આમ વાગોળતાં રહેવું અતીતને,
વર્તમાનનો જ કરો સ્વીકાર, છોડને યાર;

પડદો પડતાં જ "વ્યોમ" મંચ છોડવું રહ્યું,
ખલનાયક હોય કે સૂત્રધાર, છોડને યાર;

✍... વિનોદ. મો. સોલંકી "વ્યોમ"
GETCO (GEB), મુ. રાપર

Gujarati Poem by વિનોદ. મો. સોલંકી .વ્યોમ. : 111983645
Padmaxi 1 year ago

ખૂબ સુંદર રચના

The best sellers write on Matrubharti, do you?

Start Writing Now