એક વાત કહેતા કહેતા ચૂપ થઈ ગયા...
એક શ્વાસ બસ એ વાત માં અટકી ગયા....
આંખોમાં ઝળઝળીયાં, હોઠે સ્મિત સૂકાયા,
શબ્દો અધૂરા રહી, મૌનમાં વિખેરાય ગયા....
એક પળમાં જાણે સૃષ્ટિ થંભી ગઈ,
વિચારોના વમળમાં,.લાગણી ડૂબી ગઈ.
કહેવું હતું ઘણુંય, પણ કહી ન શક્યા,
હૃદયના ભાવોને વાચા આપી ન શક્યા.
અધૂરી રહી ગયેલી એ વાતની અસર,
આજે પણ ઉરમાં ઉઠાવે છે કસક.
કદાચ સારું થયું કે વાત અધૂરી રહી,
કેમ કે એ અધૂરી વાતમાં જ લાગણી જીવતી રહી...
