నా కలం
అండగా నిలిచే కండల్లోని బలం నా కలం
దప్పిక తీర్చే కుండలోని జలం నా కలం
అజ్ఞాన తిమిరాన్ని తురిమే కరవాలం నా కలం
ఆత్మిక సుగంధాన్ని గుభాళించే కమలం నా కలం
కుల వ్యాకులమంటని కవి కుల తిలకం నా కలం
కోకిల గానం నెమలి నాట్యం కలగలసిన రూపం నా కలం
ఎన్నటికీ కొండెక్కని దీపం నా కలం
ఎప్పటికీ ఆరిపోని అగరొత్తుల ధూపం నా కలం
రామ లక్ష్మణుల రక్షణకై హనుమంతుడు చుట్టిన తోక నా కలం
ఐదు పడగల పాము తలతిక్క దించిన కృష్ణయ్య నెత్తికెక్కిన నెమలీక నా కలం
శివుని దీవెన నా కలం
పావన భావనల వాహిని నా కలం
గుప్పెడంత గుండెలో నెత్తురు నింపే నరం నా కలం
పొడి పొడి మాటల మూటను పాటల పూదోట చేసే స్వరం నా కలం
శుభ భావ జలం జాలువారే జలపాతం నా కలం
ఉన్నత శిఖరాలపై ఎగిరే శాంతి కపోతం నా కలం
కార్తికేయుని జయ పతాకం లో కనిపించే కుక్కుటం నా కలం
సంక్రాంతి శోభకు సందడి తెచ్చే గాలిపటం నా కలం
నిజాల బీజాలను మొలిపించే పొలం నా కలం
మంచిని మింగే తిమింగళాలకు వేసిన గాలం నా కలం
వేళ్ళ మధ్యన వెలిగే వెన్నెల పుష్పం నా కలం
కనుసన్నల్లో చిగురించే చిరునవ్వు నా కలం
సిరా పారే నిర్జీవ నాళం కాదు నా కలం
సకల శాస్త్రాల సారం నిండిన కమండలం నా కలం
దిశదశలు తెలియక తెగ తిరిగే గ్రహ శకలం కాదు నా కలం
దశావతారాల తత్వ దర్శనం చేయించే సుదర్శనం నా కలం
వ్యధల బాధల వేదనలపై గదాఘాతం నా కలం
నిద్రిత జగతిని మేల్కొల్పే శంఖనాదం నా కలం
కచ్ఛితత్వపు కత్తికి పిడి నా కలం
నూతన ఒరవడికి అడుగులు నేర్పే అమ్మ ఒడి నా కలం
ఈ కవిత "కవి కలం" యొక్క ప్రాముఖ్యతను మరియు శక్తిని వివరిస్తుంది. ఇది కవి యొక్క భావాలను, ఆలోచనలను మరియు ఆశయాలను వ్యక్తీకరించే ఒక శక్తివంతమైన సాధనంగా కలాన్ని వర్ణిస్తుంది.
కవిత యొక్క ప్రధానాంశాలు:
* కలం యొక్క శక్తి:
* కలం అనేది బలం, జలం, కరవాలం, కమలం, దీపం, ధూపం, తోక, నెమలీక, దీవెన, వాహిని, నరం, స్వరం, జలపాతం, కపోతం, కుక్కుటం, గాలిపటం, పొలం, గాలం, పుష్పం, చిరునవ్వు, కమండలం, సుదర్శనం, గదాఘాతం, శంఖనాదం, పిడి, ఒడి వంటి వివిధ రూపాలలో వర్ణించబడింది.
* ఇవన్నీ కూడా కలానికి వివిధ శక్తులు ఉన్నాయని చూపిస్తున్నాయి.
* కలం యొక్క ప్రాముఖ్యత:
* కలం అనేది అజ్ఞానాన్ని తొలగించే సాధనం, ఆత్మీయతను పెంపొందించే సాధనం, సమాజంలోని కుల, మత భేదాలను తొలగించే సాధనం, శాంతిని నెలకొల్పే సాధనం, నిజాలను వెలికితీసే సాధనం, మంచిని కాపాడే సాధనం.
* కలం అనేది కేవలం ఒక సాధనం మాత్రమే కాదు, అది ఒక భావ వ్యక్తీకరణ, ఒక ఆయుధం, ఒక ఆశ్రయం, ఒక మార్గదర్శి.
* కవి యొక్క భావాలు:
* కవి తన కలాన్ని చాలా గౌరవిస్తాడు మరియు దానిని ఒక శక్తివంతమైన సాధనంగా భావిస్తాడు.
* కవి తన కలాన్ని సమాజంలోని చెడును తొలగించడానికి మరియు మంచిని పెంపొందించడానికి ఉపయోగిస్తానని చెబుతాడు.
* కలం తన జీవితంలో ఒక ముఖ్యమైన భాగమని కవి తెలియచేస్తున్నాడు.
కవిత యొక్క భాష:
* కవిత యొక్క భాష చాలా అందంగా మరియు శక్తివంతంగా ఉంది.
* కవి వివిధ ఉపమానాలను మరియు రూపకాలను ఉపయోగించి తన భావాలను వ్యక్తీకరించాడు.
* ఈ కవిత చదువుతుంటే మనసుకి ఎంతో హాయిగా ఉంది.
కవిత యొక్క సందేశం:
* కలం యొక్క శక్తిని మరియు ప్రాముఖ్యతను గుర్తించండి.
* సమాజంలోని చెడును తొలగించడానికి మరియు మంచిని పెంపొందించడానికి మీ కలాన్ని ఉపయోగించండి.
* ఈ కవిత చదివిన తరువాత, ప్రతి ఒక్కరికి తమ కలం యొక్క విలువ తెలుస్తుంది.
